Capellos nuk i intereson rekordi i Beckhamit

Trajneri i kombëtares angleze, Fabio Capello, ka dërguar një paralajmërim tek DAvid Beckham, duke thënë se ai nuk është i interesuar për rekordin e mesfushorit të LA Galaxy.

Beckhami ka nevojë vetëm për një paraqitje për të barazuar numrin e paraqitjeve të Bobby Moore, por Capello ka thënë se ai nuk do ta ftojë lojtarin nëse ai nuk luan rregullisht në Milan apo LA Galaxy.

“Rreth David Beckham, ai do të jetë pjesë e ekipit tim vetëm nëse luan për LA ose Milanin. Rekordi i tij nuk më intereson. Unë vendos për përbërjen e cila duhet të sjellë fitore dhe jo të shënojë rekorde”, ka thënë strategu italian.

“Rekordi është i rëndësishëm për Beckham, por jo edhe për mua. Por, unë gjithmonë jam i kënaqur me David pasi ai është pjesë e rëndësishme e grupit”, ka shtuar Capello.

Beckham mbrëmë u prezantua para tifozëve të Milanit, si përforcim dymujor për rosonerët. Ai do të bartë fanellën me numër 32 deri më 9 mars