Canavaro: Nuk ngutem për të ardhmen

Mbrojtësi i Real Madridit, Fabio Cannavaro, thotë se nuk është duke u ngutur me marrjen e vendimit për të ardhmen e tij.

Italiani pas disa javësh do të mund të negociojë i lirë me ekipet e interesuara, pasi në fund të sezonit do të jetë lojtar i lirë.

“Nuk ngutem. E di se marrëveshja ime skadon së shpejti. Gjithçka mbetet në Real, nëse ata nuk dëshirojnë ta rinovojnë, atëherë do të filloj negociatat me ekipet tjera”, ka thënë Cannavaro.

“Nëse më pengon të rikthehem në Itali? Edhe po edhe jo. Po sepse kisha një fat të mirë të përjetoj një përvojë fantastike në një qytet dhe klub të shkëlqyeshëm. Kisha fat t’i shoh fëmijët e mi duke mësuar tre gjuhë. Jo, sepse Italia është shtëpia ime”, ka shtuar italiani.