Mediat angleze përcjellin lajmin se ekipi i Liverpoolit është duke analizuar ofertën e Real Madridit për shërbimet e Jermaine Pennant.
25-vjeçari këtë sezon fiton shumë pak rast nga Rafa Benitez dhe për shërbimet e tij janë të interesuar shumë ekipe nga Premierliga dhe La Liga.
Së fundi raportohet se Real Madrid tashmë ka dërguar një ofertë tek Liverpooli dhe se drejtuesit e ekipit anglez po e analizojnë këtë ofertë.
Sky Sport shkruan se trajneri i ri i Realit, Juande Ramos, nuk dëshiron të harxhojë shumë para për Ashley Young, Aaron Lennon dhe Angel Di Maria, andaj është kthyer kah i harruari Pennant.
Anësori i të kuqve ka vetëm katër paraqitje këtë sezon dhe nuk është pjesë e planeve të Rafa Benitez.
Real tash shpreson se do të arrijë marrëveshje me Liverpoolin për të marrë shërbimet e Pennant që në afatin kalimtar të janar.
Dy ekipet janë caktuar të përballen në Ligën e Kampionëve në 1/8 e finales.