Portieri i skuadrës Anorthosis Famagusta, kosovari Arjan Beqaj, është shprehur se nuk di gjë për interesimin që ka shprehur skuadra greke Olympiacos, ndërsa nëse kjo është e vërtetë atëherë ai do të mendojë për një transferim të mundshëm.
“Unë, deri tani që po flasim, nuk kam asgjë konkrete. Nëse vjen ndonjë ofertë, qoftë edhe nga një klub i madh, siç është Olympiacosi, do ta shqyrtoj mirë dhe pastaj do të kthej përgjigje”.
“Tani për tani jam portier i Anorthosis, ekip me të cilin kam kontratë deri në vitin 2011. Jam mirë në Qipro dhe i vlerësuar nga të gjithë”.
“Natyrisht, e di që edhe në Greqi më duan dhe më respektojnë. Kam kaluar një kohë të gjatë atje dhe kam përshtypje shumë të mira”, ka thënë portieri i Kombëtares Shqiptare për Sportin Shqiptar.