Pas barazimit pa gola të hënën kundër Evertonit , Chelsea ka arritur ta mposhte West Bromwich Albionin në ndeshjen e sotme të zhvilluar në Stamford Bridge me rezultat 2-0.
Që në minutat e para të ndeshjes (3’), sulmuesi nga Bregu i Fildishtë, Didier Drogba, krijoi avantazhin e skuadrës vendase pas një krosimi të Joe Cole.
Pa përfunduar pjesa e parë (45’+1), Blutë dyfishuan epërsinë me anë të mesfushorit anglez Frank Lampard, dhe ky ishte rezultati përfundimtar i takimit, pasi që në pjesën e dytë nuk u shënua asnjë gol.
Me këtë fitore Chelsea është pozicionuar në vendin e parë me dy pikë më shumë se Liverpooli, i cili duhet ta mposhtë Boltonin për të marrë sërish kreun.