Adriano: Do të qëndroj në Inter

Sulmuesi brazilian i Interit, Adriano, i ka hedhur poshtë zërat se është në negociata me Flamengon dhe se do ta lëshojë ekipin në muajin janar.

Adriano, i cili për momentin rikuperohet nga lëndimi në Brazil, u lidh së fundi me një largim nga kampioni i Serie A dhe vetë trajneri Jose Mourinho pati deklaruar se ai mund të largohet.

“Nuk i kam thënë askujt se dua të largohem nga Interi. Do të rikthehem në Itali më 2 janar që të filloj përgatitjet me ekipin. Në rast se nuk qëndroj në Milano, nuk do të kthehem në Brazil dhe do ta vazhdoj karrierën në Evropë”, ka thënë Adriano.