Në takimin tradicional para festës së Krishtlindjeve, Laporta ka thënë se Barcelona deri tash i ka realizuar qëllimet e veta, por paralajmëron se edhe më tej të gjithë duhet të jenë të fokusuar.
“Dua të përcjell një porosi për kujdes. Edhe pse mund të themi se jemi në rrugë të duhur, duhet të qëndrojmë të qetë. Duhet të vazhdojmë të tregojmë vetëbesimin dhe krenarinë, të cilën e kemi treguar deri tash”, ka thënë Laporta.
Barcelona është lider në La Liga me tetë pikë para Valencias dhe Sevillas, siguroi vendin e parë në fazën grupore të Ligës së Kampionëve dhe është në garë edhe më tej për Kupën e Mbretit.