Vendasit ishin skuadra e cila krijoi dy herë epërsinë, ndërsa mysafirët barazuan dy herë radhazi.
Pas një gjuajtje nga këndi të Clarence Seedorf, më së larti kërceu Massimo Ambrosini për t’ia dhënë epërsinë e parë Milanit (15’).
Dhjetë minuta brenda pjesës së dytë (55’), Schafer krosoi për Cristian Zaccardon, dhe mbrojtësi italian e mposhti Didan për ti barazuar shifrat në 1-1.
Një minutë më vonë (56’) Rossonerët kaluan sërish në epërsi me anë të Alexandre Patos, mirëpo një top të kthyer nga Dida pas gjuajtjes nga distanca të Krzynowek e shfrytëzoi më së miro Saglik, i cili barazoi për të dytën herë për mysafirët (81’) për ta mbajtur Wolfsburgun në pozitën e parë në grup.