Ndarrja e Kosoves rrezik per rajonin Ballkanik

Ai tha se bashkësia ndërkombëtare duhet patjetër të ketë këtë fakt parasysh. “Në këtë kuptim ngjarjet e fundit në veriun e Kosovës janë mjaftë brengosëse”, tha Cërvenkovski në fjalimin e tij vjetor në Parlamentin e Maqedonisë.

Cërvenkovski më pas u shpreh se Maqedonia me aktin e njohjes së pavarësisë së Kosovës ka konstatuar realitetin e ri në rajonin e Ballkanit Perëndimor. Ai po ashtu theksoi se Maqedonia duhet të punojë më shumë që të normalizoj marrëdhëniet me fqinjët, e posaqërishtë me Republikën e Serbisë.

Në planin e integrimeve euroatlantike, presidenti maqedonas theksoi se Maqedonia nuk ka një alternativë tjetër pos integrimit në NATO dhe BE. “Nuk ekziston, as që mund të ekzistojë një alternativë serioze për të ardhmen e Maqedonisë dhe për integrimin tonë në NATO dhe BE. Gjithçka tjetër, nuk është një koncept i zhvillimi por vetëm një luftë për ekzistencë të zhveshur”, theksoi Cërvenkovski, për të shtuar se, kjo vlen për të gjitha shtetet e rajonit.

“Pa integrime të suksesshme euroatlantike nuk do të ketë investime të huaja, nuk do të ketë vende të reja të punës dhe nuk do të ketë ulje të papunësisë”, shtoi ai. /INA/