Në ndeshjen e mbrëmshme të Kupës UEFA kundër Racing Santander, Robinho sërish ka pësuar lëndim. Braziliani luajti 45 minuta në këtë ndeshje dhe lëndoi nyjën.
“Robinho nuk mundi të vazhdojë dhe është i pasigurt për ndeshjen kundër West Bromwich. Sërish e ka lënduar nyjën”, ka deklaruar Mark Hughes.
“Ai i impresionoi të gjithë në Manchester, shënoi tetë gola në Premierligë dhe ishim të kënaqur me përshtatjen e tij. Por, në tri ndeshjet e fundit ai shoqërohet me probleme nga lëndimet”, ka shtuar trajneri i Cityt.