Trajneri i Villarrealit, Manuel Pellegrini, thotë se Real Madridi gjithmonë është favorit, por kjo nuk do të thotë fitore e sigurt për ta.
Villarrealli nesër do të përballet me kampionin në fuqi dhe gjykuar nga pozita e dy ekipeve në tabelë, që të dyja do të kërkojnë fitore.
“Real Madridi gjithmonë është favorit, edhe më shumë kur luajnë në shtëpi. Por, kjo nuk do të thotë se ata do të fitojnë”, thotë Pellegrini.
“Në futboll, ndeshjet fitohen në fushë, ndërsa fakti që e fillojmë vitin e ri kundër Realit, vetëm na motivon. Është e rëndësishme për të dyja ekipet të luftojnë për fitore. Kjo do të thotë se do të kemi një ndeshje të shkëlqyeshme”, ka shtuar trajneri kilian.