Fjalët e drejtorit sportiv të Lazios, Igli Tare, duket se i kanë pranuar pozitivisht Biancocelestët, të cilët kanë vazhduar progresin duke mposhtur të shtunën mbrëma në Olimpico skuadrën e Palermos me rezultat minimal 1-0.
Të vetmin gol në ndeshje e shënoi kapiteni Tomasso Rochi (66’) për t’ia dhënë epërsinë skuadrës vendase, i cili gol në fund rezultoi të jetë goli i fitores.
Për t’u përkeqësuar gjërat edhe më shumë për sicilianët, ishte përjashtimi i Federico Balzarettit me kartonin e dytë të verdhë (73’), ndërsa me një lojtar më pak mysafirët nuk arritën që t’i barazonin shifrat.
Me këtë fitore Lazio ngjitet në kuotën e 27 pikëve dhe pozicionohet në vendin e gjashtë me një pikë më shumë se Genoa e cila ka një ndeshje më pak të zhvilluar.