Manchester United ka mposhtur me rezultat minimal 1-0 ekipin nga Ekuadori, Liga de Quito, për të dalë fitues në Kupën Botërore të Klubeve.
Wayne Rooney ka shënuar të vetmin gol të ndeshjes në minutën e 73-të të lojës, duke mposhtur kështu portierin Jose Cevallos, që bëri një varg ndërhyrjesh për të mohuar gola nga Carlos Tevez dhe Ji Sung Park.
Shpresat e United për t’u bërë edhe kampion i botës u zbehën pas katër minutash lojë në pjesën e dytë, kur mbrojtësi Nemanja Vidic u përjashtua, për shkak të faullimin ndaj Claudio Bieler.
Ky ishte goli i tretë i Rooneyt në këtë turne, që i siguron edhe titullin e tretë Manchesterit këtë vit, pas dy titujve kampionë të fituar sezonin e kaluar, atë të Premierligës dhe të Evropës.