Skuadra e Romës ka dështuar ta shënojë fitoren e nëntë radhazi pasi është mposhtur në Stadio Massimino nga Catania me rezultat 3-2.
Vendasit arritën të krijojnë avantazh të trefishtë kundër kryeqytetasve, të cilët u kthyen paksa në lojë në pesëmbëdhjetë minutat e fundit, por jo mjaftueshëm për t’i shpëtuar humbjes.
Serinë e golave e hapi Davide Baiocco (34’), i cili e mposhti Donin pas pasimit të Mascaras. Gjashtë minuta më vonë dyfishoi Takayuki Morimoto për të vendosur rezultatin e pjesës së parë.
Njëmbëdhjetë minuta brenda pjesës së dytë (56’) ishte sërish Moritmoto lojtari që trefishoi epërsinë për Catanian.
Romakët u i ngjallën shpresat me golin e Mirko Vucinic (74’) dhe pastaj shënoi edhe Jeremy Menez (78’) për ta ngushtuar epërsinë në 3-2, por ky mbeti edhe rezultati final i ndeshjes, pasi që mysafirët nuk arritën të bënin më shumë.