Roma: Van Nistelrooy ose Podolski

Sipas “Corrierre dello Sport”, Giallorossët kërkojnë një emër të madh në sulmin e tyre për sezonin e ardhshëm, i cili do t’u bashkëngjitej Francesco Tottit dhe Mirko Vucinicit në sulm.

Kandidati kryesor duket të jetë sulmuesi i Real Madridit, Ruud van Nistelrooy. Holandezi aktualisht është i lënduar, ndërsa Mbretërit kanë blerë një zëvendësues të tij (Klaas-Jan Huntelaar) dhe janë duke kërkuar edhe Karim Benzeman, që do të thotë se Nistelrooy nuk do të jetë më i duhur në Bernabeu.

Kandidati tjetër për ta veshur fanellën e verdhekuqve është sulmuesi i Bayern Munichut, Lukas Podolski, i cili nuk ka gjetur hapësirë në skuadrën e Jurgen Klinsmanit, ndërsa do ta ketë edhe më të vështirë sezonin e ardhshëm, pasi bavarezët kanë siguruar edhe shërbimet e Ivica Olicit nga Hamburgu.