La Florio: Dossena nuk shkon te Milan

Roberto La Florio, agjenti i mbrojtësit të Liverpoolit, Andrea Dossena, thotë se klienti i tij nuk do të kalojë te Milani në afatin kalimtar të janarit.

Italiani 27-vjeçar ka pasur një fillim të dobët në Anfield, kështu që nuk ka arritur të sigurojë një vend në formacionin bazë të Redsave. Si rezultat i kësaj ka pasur spekulime të shumta për një mundësi transferimi te Rossonerët.

“Unë nuk di asgjë për ndonjë kontakt ose ofertë që ka bërë klubi kuqezi. Dossena po kalon mirë te Liverpooli, si edhe ai është pjesë e planeve të Benitez”, ka thënë La Florio.