Mesfushori i Liverpoolit, Xabi Alonso, i ka paralajmëruar bashkëlojtarët e tij se nuk duhet ta lëshojnë fitoren në ndeshjen e sotme përballë Boltonit.
“Me siguri do të duhet të shënojmë të parët dhe duhet të kemi një kontroll të lojës. Pësuam disa gola në shtëpi dhe bëmë disa gabime dhe nëse e kontrollojmë lojën dhe nëse arrijmë gol herët, do të fitojmë”, ka thënë Alonso.
Fitorja e fundit e Liverpoolit në fushë vendore ishte në fillim të muajit nëntor kundër West Hamit dhe pastaj pasoi një seri e barazimeve. Megjithatë Liverpooli mbetet lider në tabelës e Premierligës me një pikë më shumë se ndjekësi, Chelsea, që po ashtu nuk kalon një periudhë të mirë në ndeshjet si vendas.