Huntelaar i gatshëm të përballet me Vilareallin

Përforcimi i i ri i Real Madridit, Klaas-Jan Huntelaar, është në rrugë për të bërë debutimin e tij në vitin e ri.
Sulmuesi holandez, i cili i kushtoi plot 20 milionë euro Realit, pret të debutojë me fanellën e bardhë më 4 janar të vitit të ri.

Holandezi është në shërim e sipër nga lëndimi gjurit, nga i cili ka vuajtur edhe para se të nënshkruajë me kampionin e Spanjës. Ai tash është në fazën e fundit të rikuperimit, dhe sipas Marca, do të jetë i gatshëm të përballet me Villarrealin, me të cilin Reali do të ndeshet në ditët e para të vitit të ri.

Huntelaar aktualisht është rikthyer në Holandë për të festuar Krishtlindjet dhe për ta vazhduar programin specifik të shërimit. Ai pritet t’i bashkohet pjesës tjetër të ekipit për zhvilluar seancat normale stërvitore, me 29 dhjetor.