Ramos nuk e dëshiron Pennantin

Skuadra e Real Madridit është duke kërkuar një mesfushor krahu, ndërsa trajneri Juande Ramos ka ndërhyrë për ta ndaluar Predrag Mijatovicin, i cili dëshiron ta transferojë Jermaine Pennant nga Liverpooli.

Drejtori sportiv i Los Merengues, Mijatovic, është duke e ndjekur një lojtar, i cili sipas trajnerit nuk do të përshtatej në Bernabeu, prandaj Ramos ka ndërhyrë për ta thënë fjalën e tij se nuk e dëshiron Pennantin në skuadër.

Sipas “Sport”, Ramos e ka bërë të qartë se dëshiron të transferojë një mesfushor krahu, mirëpo nuk i pëlqen zgjedhja që ka bërë Mijatovic, por preferon ta sjellë në Santiago Bernabeu Antonio Valencian nga Wigan Athletic.