Mourinho e dëshiron Militon

Menaxheri i zikaltërve, Jose Mourinho, thotë se ai është i vendosur për ta mbajtur Adrianon, ndërsa ka shprehur dëshirën për ta pasur në skuadër sulmuesin e Genoas, Diego Milito.

“Jam i vendosur ta mbajë Adrianon në skuadër dhe nuk mendoj në asnjë moment për ta larguar atë. Ai është një armë shtesë e imja, ndërsa nëse stërvitet me entuziazëm dhe ndjehet mirë edhe fizikisht edhe psikikisht, atëherë ekziston mundësia që të inkuadrohet që në ndeshjen e parë të vitit të ri”, ka thënë portugezi duke zbuluar dëshirën e tij për ta pasur Militon tek Inter:

”Secili trajner në Serie A do të kishte pasur dëshirë ta ketë Militon në skuadër, mirëpo mendoj se do të ishte gabim për Genoan po ta lëshonte atë të largohet”.