Torres: Do ta eliminojmë Realin

Sulmuesi i Liverpoolit, Fernando Torres, është shprehur me besim të plotë se skuadra e tij do ta eliminojë Real Madridin pas përballjeve të tyre në
Liga e Kampionëve.

“Të gjithë e kemi të qartë se do të jetë një përballje e vështirë kundër Real Madridit dhe nuk dëshiroj të flas për favoritë. Por jam i sigurt se ne do të kualifikohemi në raundin tjetër”.

“Personalisht, sa kam luajtur në Spanjë, nuk kam pasur fat shumë kundër Realit. Kam shënuar disa herë kundër Barcelonës, mirëpo kur luaja kundër Real Madridit e kisha shumë vështirë”.

“Shpresoj që gjatë vitit 2009 të fitojmë trofe. Dëshiroj t’u shmangem lëndimeve dhe ta fitojmë titullin e Ligës Premier, që është ëndërr e tifozëve tanë, drejtuesve të klubit dhe lojtarëve”, ka thënë ish-sulmuesi i Atletico Madridit.