Beckham mund të luajë deri në 40 vjet

Mjeku i skuadrës së Milanit, Jean-Pierre Meerseeman, ka deklaruar se superylli anglez David Beckham mund të luajë edhe gjashtë vjet futboll të nivelit botëror.

Kur Beckham u transferua te Los Angeles Galaxy në vitin 2007, u mendua se ai nuk ishte më i aftë të luajë futboll të nivelit të lartë, mirëpo rikthimi i tij në Evropë, pikërisht në Serie A, ka bërë që të gjithë të ndryshojnë mendim.

“Beckham mund të luajë edhe pesë ose gjashtë vite në nivel të lartë. Analizat e tija kardiovaskulare kanë dalë shumë mirë, ndërsa kondicioni i tij është i shkëlqyeshëm. Krejt çka duhet të bëjë tani është ta ndryshojë dalëngadalë programin trajnues “, ka thënë Meerseeman për “The Sun”.