Këshilltari për transferimet e Interit, Lele Oriali, nuk e ka përjashtuar mundësinë që Adriano ta vazhdojë qëndrimin e tij në Brazil.
Sulmuesi momentalisht është në Brazil ku i ka kaluar festat e Krishtlindjes dhe ku rikuperohet nga një lëndim i lehtë muskulor.
Ka shumë spekulime se ai mund të mbetet në Brazil si huazim gjashtëmujor, edhe pse Moratti ka paralajmëruar rikthim të sulmuesit në Itali.
“Adriano momentalisht është në Brazil ku rikuperohet nga lëndimi dhe më vonë do të merret vendimi për të ardhmen e tij. Do të dimë shumë më shumë deri më 15 janar. Nuk e përjashtoj një rast si në vitin e kaluar, qëndrim të tij në Brazil si huazim gjashtëmujor”, ka thënë Oriali.