Mbrojtësi i Arsenalit, Kolo Toure, ka kërkuar të shitet në afatin kalimtar të janarit pasi nuk mund të qëndrojë pranë William Gallas.
Raportet në mes të mbrojtësve të Arsenalit, Kolo Toure dhe William Gallas, janë përkeqësuar pasi ata kanë pasur një debat të ashpër mes veti pas barazimit kundër Aston Villas.
Toure ka kërkuar nga klubi të shitet që në afatin kalimtar të janarit, ndërsa interesim ka treguar menjëherë Manchester City, që dëshiron ta angazhojë mbrojtësin në radhët e veta.
“Kolo nuk dëshiron të mbetet, ai nuk mund të durojë të qëndrojë krahas Gallas dhe as Gallas nuk mundet pranë tij. Gallas ka treguar një mosrespekt total dhe Kolo i është ankuar Wengerit se të dy nuk mund të luajnë, Wenger e ka dëgjuar”, ka thënë një burim për Daily Star.