Messi: Në 2009 i dua të gjithë titujt

Sulmuesi argjentinas, Lionel Messi, ka një synim të qartë për vitin e ri, ai dëshiron që ky vit të jetë më i miri në jetën e tij duke i fituar tri tituj.

Trofeu i vetëm për Messi në vitin 2008 ishte medalja olimpike në Pekini 2008 me kombëtaren argjentinase. Messi në vitin që po lëmë
prapa nuk fitoi asnjë trofe me Barcelonën, por këtë dëshiron ta bëjë në vitin e ri.

“Në vitin 2009 dëshiroj t’i fitoj të gjithë titujt. Për mua të tri garat janë të rëndësishme. Mendoj se edhe viti 2008 ishte i mirë, por si çdo sportist mund të dëshiroj vetëm tituj”, ka thënë Messi.

“Janari do të jetë një muaj vendimtar për Copa del Rey. Po ashtu pres shumë edhe nga Liga e Kampionëve. Kjo është një garë në të cilën secili futbollist dëshiron të marrë pjesë”.

“Do të ishte gabim të mendojmë se titulli i La Ligës tashmë është në duart tona. Është e saktë se kemi një avantazh të mirë, por kjo do të thotë se duhet të jemi të kujdesshëm deri në fund të sezonit dhe të mos lëshojmë”, ka shtuar argjentinasi.