Mjekët palestinezë deklaruan sot se shpërthimi i një rakete izraelite kishte shkaktuar vdekjen e një militanti palestinez në veri të Rripit të Gazës, vetëm një ditë pas përfundimit të armëpushimit mes Izraelit dhe grupit militant palestinez, Hamas, që mban nën kontroll Gazën që nga qershori i kaluar, njofton Reuters.
Raketa kishte pasur si objektiv një grup militantësh në qytetin verior Beit Lahija, me ç’rast një militant është vrarë dhe një tjetër është plagosur.
Armëpushimi mes Izraelit dhe organizatës radikale islamike, Hamas, që kontrollon Rripin e Gazës, përfundoi zyrtarisht të premten.
Edhe përpara skadimit të afatit të armëpushimit, mbi territoret në jug të Izraelit ishte qëlluar në mënyrë të përsëritur nga Rripi i Gazës. Ndryshe nga Izraeli, Hamasi nuk pranon zgjatjen e armëpushimit. SHBA-të dhe Kombet e Bashkuara u bënë thirrje palëve të ruajnë qetësinë.
Titulli: Izraeli lëshon raketa në Gaza 
Sun Dec 21, 2008 3:23 am