Lamprad: Duhet te mposhtim Evertonin

Mesfushori anglez i Chelseat, Frank Lampard, thotë se blutë duhet ta fitojnë Evertonin dhe të ngjiten në pozitën e liderit të Premierligës.

Pas barazimit të djeshëm në mes të Arsenalit dhe Liverpoolit, Chelsea sërish ka mundësi që me fitore ndaj Evertonit të ngjitet në maje të tabelës së Premierligës.

“Ne udhëtojmë në Everton dhe duhet të fitojmë. Kemi pasur disa paraqitje të mira në atë fushë në të kaluarën dhe jemi të bindur se edhe tash mund të jetë kështu”, ka thënë Lampard.

“Duhet të sulmojmë. Nuk guxojmë ta lëshojmë këtë rast që të ngjitemi në maje, ashtu siç ndodhi javën e kaluar kundër West Hamit”, shton mesfushori.