Kaka synon golin e 100-të me Milanin

Mesfushori i Milanit, Ricardo Kaka, është i kënaqur pas fitores së mbrëmshme ndaj Udineses dhe dëshiron që sa më shpejtë të arrijë golin e 100-të me rosonerët.

Kaka ishte ndër më të mirët në fushë në ndeshjen e mbrëmshme dhe u shënua dy herë në listën e golashënuesve.

“Jam shumë i kënaqur për shkak të fitores. Kur përbërja mendon së tepërmi se si mund të arrihet në një nivel më të lartë, kjo kurrë nuk do të ndodhë. Është e nevojshme vetëm punë e palodhshme për tu arritur kjo”, ka thënë Kaka.

Kaka me fanellën e Milanit ka shënuar 86 gola dhe thotë se dëshiron sa më shpejt të arrijë tek shifra e 100 golave.

“Ende pres të shënoj shumë gola për Milanin. Për të arritur tek numri i 100 golave kam nevojë edhe për 14. Shpresoj se do ta realizoj këtë qëllim shumë shpejt”, ka shtuar braziliani.