Ancelotti: Beckhami do të jetë i rëndësishëm për Milanin

Trajneri i Milanit, Carlo Ancelotti, beson se ardhja e David Beckham do të sjellë shkathtësi në pozitat ku ai mund të luajë.

Beckham aktualisht është në Dubai me ekipin e Milanit dhe është në pritje të paraqitjes së parë me rosonerët gjatë javës së ardhshme kur Serie A do të rifillojë.

“Sipas opinionit tim ai është një lojtar i rëndësishëm i cili mund t’i japë shumë klubit. Ai është një futbollist i shkathët i cili mund të luajë në tre pozita të ndryshme dhe tashmë ka treguar aftësitë e tij në ekip”, ka thënë Ancelotti.

“Kjo javë do të jetë e dobishme për ne për të vlerësuar formën e tij dhe pastaj do të shohin kur ai do të jetë i gatshëm të luajë në një ndeshje zyrtare”, ka shtuar trajneri italian.