Real Madridit duhet të zgjedhë ndërmjet Klaas-Jan Huntelaar dhe Lassana Diarra, se cilin lojtar do ta përfshijë në listë për të luajtur në Ligën e Kampionëve.
Los Merengues kanë një vështirësi zgjedhjeje para tyre, pasi është njoftuar se ata mund ta regjistrojnë vetëm njërin nga dy transferët e rinj, Klaas-Jan Huntelaar ose Lassana Diarra, në listën e lojtarëve që do të luajnë në fazat ‘knockout’ të Ligës së Kampionëve.
Dyshja zyrtarisht do të jenë lojtarë të Los Blancos në janar, ndërsa për to kampionët e Spanjës kanë shpenzuar rreth 40 milionë euro.
Mirëpo, ambiciet e madrilenëve janë kufizuar me rregullat e reja të UEFA-s për lojtarët që mund të luajnë në Ligën e Kampionëve. Sulmuesi dhe mesfushori janë paraqitur në Kupën UEFA (për Ajaxin dhe Portsmouthin, respektivisht), dhe për këtë arsye Reali duhet të zgjedhë vetëm njërin prej tyre.