Madridi dëshiroi ta transferonte “Topin e Artë” këtë sezon, ndërsa presidenti Calderon ka thënë se nuk dëshiron që të krijojë armiq te Manchester United, prandaj ka lënë që gjithçka të realizohet në qetësi.
Gjatë ndeshjes kundër Barcelonës në Camp Nou, Pedro Trapote, një bashkëpunëtor i afërt i presidentit të Los Merengues, ka treguar për një marrëveshje të gatshme të Realit dhe Ronaldos, ndërsa gazetari i “El Mundo” e ka regjistruar me diktafon.
“Nëse më pyetni se çfarë do të bëjmë tash, atëherë mund t’u them se kemi nënshkruar me lojtarin më të mirë në botë për sezonin e ardhshëm”.
I pyetur nëse është duke folur për Cristiano Ronaldon, Trapote përgjigjet: “Më i miri prej më të mirëve. Është Cristiano, kush tjetër. Mirëpo, është më mirë që të mos themi asgjë për momentin”.