Murinho-I knaqur me fitoren

Trajneri i Interit, Jose Mourinho, është i kënaqur me fitoren ndaj Chievos, që i solli probleme të papritura në pjesën e dytë të ndeshjes.
Interi avanancoi 2-0 në pjesën e parë, por mysafirët barazuan në 2-2 në fillim të pjesës së dytë. Megjithatë ishte Ibrahimovic ai i cili shpëtoi kampionin e Italisë duke shënuar dy gola në dhjetë minutat e fundit të ndeshjes.

“Në pjesën e parë udhëhoqëm 2-0, dhe pastaj lëshuam shumë duke menduar se ndeshja ishte zgjidhur. Pas befasisë, Chievo mendoi se mund edhe të fitojë, por reaguam mirë dhe shënuam edhe dy gola”, përshkruan Mourinho ndeshjen e sotme.

“Kur ishte 2-2 thash se ky nuk do të ishte rezultati përfundimtar. Ose do të fitonim ose do të humbnim. Duhet t’i falënderoj tifozët të cilët na përkrahën në 20 minutat e fundit. Ata ishin lojtari ynë i 12-të”, ka përfunduar portugezi.