Murinho dëshiron të rikthehet në Premier Lig

Trajneri i Interit Jose Mourinho, zbulon se ai planifikon të rikthehet në Angli, por edhe se dëshiron treshe të trofeve në La Ligë, Serie A dhe Premierligë.

Mourinho pati një sukses të madh në ishull dhe brenda tre sezonesh të kaluara në Chelsea fitoi dy titull të Premierligës, titullin e Kupës FA dhe dy tituj të Kupës Carling.

“Kurrë nuk e kam fshehur. Jam i dashuruar në futbollin anglez. Duhet të rikthehem një ditë atje dhe kjo do të ndodh me siguri. Thjesht më pëlqen”, ka thënë Mourinho.

“Një prej ambicieve të mia është të fitoj Premierligën, Serie A dhe La Ligën. Të tri kampionatet më të mëdha në Evropë. Një ditë do të rikthehem në Angli pasi më pëlqen futbolli atje, një ditë tjetër do të kaloj në Spanjë për ta fituar La Ligën. Por njëkohësisht dua të them se vërtet jam shumë i lumtur në Inter”, ka shtuar portugezi.