Tre pik me shum per Romen

Giallorosët kaluan të parët në epërsi me anë të kapitenit Francesco Totti (39’) pas një asistimi me kokë të Vucinic dhe me rezultatin prej 1-0 përfundoi pjesa e parë.

Mirëpo në pjesën e dytë mysafirët, jo vetëm që barazuan por krijuan epërsi. Njëherë Daniele Conti barazoi shifrat nga gjuajtja e lirë (58’), ndërsa Jedaias Capucho Neves (69’) e kaloi Cagliarin në epërsi.

Giallorosët reaguan në minutën e 77-të me anë të mesfushorit Simone Perrota, i cili pranoi një asistim të Tottit, për t’i barazuar shifrat në 2-2.

Në fund të takimit (90’), Menez krosoi për sulmuesin malazias, Mirko Vucinic, i cili shënoi golin e fitores dhe ia siguroi tre pikë shumë të vlefshme Romës, e cila tash ngjitet në kuotën e 23 pikëve, ndërsa ka edhe një lojë më pak të zhvilluar.