Murinho: Beckhami është më shum se një lojtarë

Trajneri i Interit, Jose Mourinho, e ka lavdëruar ardhjen e David Beckhamit në Itali, duke thënë se Serie A ka nevojë për lojtarë të tillë.

“Jam i lumtur për ardhjen e Beckham. Dëshiroj që Liga të cilës i takoj të jetë më e mira. Dëshiroj që kjo Ligë të jetë e rëndësishme, jo vetëm në Itali por në mbarë botën”.

“Kur isha në Angli, isha krenar që Premiershipi kishte arritur popullaritet në mbarë botën. Mendoj se falë punës që bëjnë të gjithë, Serie A këtë sezon është shumë më e mirë se sezonin e kaluar”.

“Të kesh një lojtar si Beckham është diçka fantastike. Megjithatë shpresoj të mos jetë në formën e tij më të mirë (thotë duke qeshur) pasi që luan në skuadrën rivale, por shpresoj se do të sjellë vëmendje të madhe. Ai është më shumë se një lojtar. Ai është i veçantë, dhe jo vetëm në botën e sportit, ndërsa unë jam i lumtur për këtë”.

“Beckham, Ronaldinho, Ibrahimovic- janë lojtarë të cilit i duhen Ligës italiane për ta bërë atë më të mirë”, është shprehur ish-trajneri i Chelseat.