Mesfushori legjendar i Liverpoolit, Ronnie Whelan, beson se kampionët në fuqi të Ligës Premier dhe Ligës së Kampionëve, Manchester United, janë favoritët kryesorë për ta fituar titullin edhe këtë sezon.
Të hënën mbrëma, United e mposhti skuadrën e Middlesbrough me një gol të Dimitar Berbatov, me ç’rast u pozicionua në vendin e tretë, shtatë pikë prapa Liverpoolit që udhëheq në krye të tabelës, por me dy ndeshje më pak të zhvilluara.
“United ia kanë arritur qëllimit shumë shpesh. Trajneri i tyre gjithmonë ka ditur si të del fitues në fund, ndërsa ngjashëm kanë vepruar edhe lojtarët. Prandaj unë i konsideroj ata si favoritë kryesorë para Liverpoolit”, ka thënë Whelan.